开幕直击!澳门teamLab展览 5大打卡热点+购票攻略

2020-07-08

赶不及早前深圳 teamLab 唔使灰心,因为澳门 teamLab 今日正式开锣!门票定价MOP150,足足比起深圳版平咗$120,打卡位当然同样有,记者率先去体验 澳门 teamLab ,记低以下个入场影相攻略。

文:Kassidy|图:Day

澳门 teamLab 影相位逐个数

虽然澳门 teamLab 主打亲子互动体验,一众去到想打卡的港女们绝对唔使灰心。在记者精挑细选下,4个园区里面都可以找到最少5个影相位,记住着定套浅色衫去疯狂影相!

开幕直击!澳门teamLab展览 5大打卡热点+购票攻略
澳门 teamLab 佔地不算太,但开放式空间,影唔够喉可以返转头继续影。
01|山脉与山谷:彩色投影

呢部份定必是澳门 teamLab 最触目的影相位,有不同动物的投影会在山谷出现,入到去可以同投影动物互动兼同佢地合照,但係要预咗呢个区域有非常多人,所以入到场馆第一时间记住即刻去呢个位!

开幕直击!澳门teamLab展览 5大打卡热点+购票攻略
山脉与山谷的位置係凹落去,行落去要小心!
02|巨型投影鲸鱼

呢只鲸鱼会喺山脉与山谷之间到处游走,唔使迫入山谷位都有机会影到呢只鲸鱼,彩色灯光打落块脸到再影相会非常好睇!

开幕直击!澳门teamLab展览 5大打卡热点+购票攻略
只鲸鱼会周围游走,想捕捉到佢都唔容易⋯⋯
03|圣诞倒影彩绘

啲人成日讲嘅「天空之镜」同样可以喺到搵到,以为呢一部份萤幕净係用嚟做互动同投影就太浪费,细心一看地板非常反光(也要小心裙底走光),走到萤幕前面,除了有投影打落件衫到,仲可以影埋地板上的倒影。

开幕直击!澳门teamLab展览 5大打卡热点+购票攻略
呢幅投影墙也不能错过,加埋块反光地下,「天空之镜」。
开幕直击!澳门teamLab展览 5大打卡热点+购票攻略
坐在地下盘腿影也不错,但开幕时份应该会比较多人,要把握好时机。
04|彩色光球

呢个位睇落只有玩嘅元素,但其实影相都一流!因为天花同地下都会充满彩色光球,只要一触碰佢就会转色同发声,港女们都可以拎住个彩色波嚟影相,但要记住!千祈千祈千祈唔可以抛起个波,用推同碌嘅方式就最好。

开幕直击!澳门teamLab展览 5大打卡热点+购票攻略
成张相都会充满彩色光球,但记住要拣啱颜色先好按快门。
开幕直击!澳门teamLab展览 5大打卡热点+购票攻略
拿⋯⋯绿色灯就会变成青BB嘅样,有撞鬼感觉。
05|最后一站:霓虹光管

以为玩晒成个场就可以收埋相机就大错特错,离开之前仲有一个打卡位,用霓虹光管写成的「Bring Art to Life」,绝对不能错过这个位置。

开幕直击!澳门teamLab展览 5大打卡热点+购票攻略
霓虹光管的 Bring Art to life 是出口前最后一个影相位。
开幕直击!澳门teamLab展览 5大打卡热点+购票攻略
如果帮女朋友影相不妨用直倒,横倒就会变得非常矮(如图)。
记者教路 入teamLab前必读!

每个时段只限150人进场,记者去的当日有30、40人已经要等位影相,仲要场地暗唔容易影得好,即刻睇记者去完澳门teamLab后最齐全的入场攻略,帮女朋友/闺密好好影相!

开幕直击!澳门teamLab展览 5大打卡热点+购票攻略
入到去影靓相其实唔简单。
入场攻略01|手机影都得、相机更佳

总有一啲人去到以为 iPhone 可以走天下,teamLab灯光都比较暗,用电话影感光度不足,好容易影到非常多杂讯,放上ig一点点都唔好睇,所以唔想女友失望请準备一部相机去。

开幕直击!澳门teamLab展览 5大打卡热点+购票攻略
虽然用手机影都有1mb照片,但放落电脑一睇,全部都係一点点。
入场攻略02|着浅色衫更好睇

入到 澳门 teamLab 咁黑嘅环境,着深色衫只会令自己完美地融入背景,倒不如着浅色衫突显自己,灯光投射落去浅色衫也会更好睇。

开幕直击!澳门teamLab展览 5大打卡热点+购票攻略
着黑色衫就可以完美同周围环境融为一体。
入场攻略03|周末6pm人流最少

teamLab嗰边就讲到,因为暂时已经卖出超过一半的门票,想少人啲入到去影相当然拣最好的入场时间。暂时来说一定是平日最佳,如果一定要周末进场,拣6pm时段会比较少人,捱一阵饿,影完出嚟再去食!

开幕直击!澳门teamLab展览 5大打卡热点+购票攻略
唔想去到等入场,一定要上网买定飞啊!
入场攻略04|着平底鞋

场内有两个位置都禁止着高跟鞋入去,一是光球影相位(整烂光球),第二个就是山脉与山谷(一大个凹位),唔想入到去要除鞋咁麻烦,都是乖乖的着平底鞋入场吧。

开幕直击!澳门teamLab展览 5大打卡热点+购票攻略
呢个位置有一个凹位,行落去要小心。
开幕直击!澳门teamLab展览 5大打卡热点+购票攻略
唔单只着平底鞋,着胶底鞋会更好⋯⋯
入场攻略05|禁止自拍棍、脚架、闪光灯

入到去是绝对严禁使用自拍棍、脚架同闪光灯,因为非常骚扰其他游客,而且会有小朋友走嚟走去,去teamLab想影相记住带多个伴去帮手揸机!

开幕直击!澳门teamLab展览 5大打卡热点+购票攻略
唔想特登拎嚟抽,都係唔好带脚架入去啦。

澳门teamLab未来游乐园

日期:至

地点:澳门美高梅展艺空间

时间:1pm-10pm(一至五),10:30am-10pm(周末及公众假期)

门票价钱: 普通票价MOP 150;澳门居民票价MOP 120

网址:澳门teamLab

 

相关阅读:靓景自助餐+豪华缆车 | 澳门行程 2日1夜 劲食懒人包 @GOtrip

开幕直击!澳门teamLab展览 5大打卡热点+购票攻略

相关阅读:6大话题澳门酒店自助餐,必食回本推介 + 订位攻略

开幕直击!澳门teamLab展览 5大打卡热点+购票攻略